GIBATI ni Ben Tui Contreras, usa ka anti-war advocate, nga puno sa propaganda ug walay klarong basehan ang giingon sa pipila ka opisyal nga adunay Chinese spies nga nisulod sa nasud.
Sa iyang interbyu sa Bombo Radyo, giingon niya nga wala’y ebidensya nga nagpakita nga aktwal nga espiya ang mga Chinese ug makahatag lang kini og kasamok ug kabalaka sa publiko.
Matod ni Contreras, ang mga alegasyon ni Cagayan de Oro 2nd District Representative Rufus Rodriguez bahin sa pagbalik sa mga Chinese nga “nagapatga” sa nasud pinaagi sa e-visa, murag gisang-at lang aron makapadani og propaganda.
Gi-question niya kung pila ba gyud ka Chinese ang gipasulod ug unsa’y tinood nga aksyon sa Bureau of Immigration, kay sa iyang obserbasyon, walay klaro nga ebidensya nga nagpakita og espiya.
Gipasabot niya nga ang ingon ani nga pahayag mahimong makadaut sa relasyon sa Pilipinas ug China, ug maka-apekto sa kahimtang sa nasud labi na sa panahon sa tensyon sa Asia-Pacific.
Gisuportahan niya nga ang publiko magmatngon ug dili dali matintal sa walay klarong ebidensya, ug ang tinuod nga seguridad sa nasud kinahanglan tan-awon sa datos ug dili sa propaganda. (By James Oliver)
