CAGAYAN DE ORO CITY – Mikatag sa social media ang mubo nga video clip diin nagtumbok sa city hall employee nga anaa sulod sa data center room sa Cagayan de Oro Water District o COWD ning syudad.
Kini human unang nagpa-blotter sa Cogon Police Station 2 ang usa ka Paul John Yebron nga taga- Brgy 27 ning syudad nga dunay tinuyo nga pagpalong sa naka-instolar nga CCTV cameras sa maong bahin sa COWD sa miaging petsa 24 sa Hunyo 2024 sa gabii.
Gisaysay sa Yebron sa kapolisan nga nadiskobrehan niini nga gituyo’g palong ang CCTV cameras kay pugsanong gisudlan ang data center room diin nahimutang ang mga sensentibong mga impormasyon sa COWD.
Apan nakuhaan sa laing back-CCTV camera ang pipila ka eksena sulod sa lawak rason nadiskobre nga tipik sa mga tawo nga misulod ang Information Technology staff nga job order ug aktibong nadestino sa City Local Environment and Natural Resources Officeo o CLENRO.
Una nang nalatid usab sa blotter nga anaa sa upat ka tawo ang misulod sa COWD sa gabii sa petsa 24 ug nadiskobre sa pagkabuntag na sa pagka-Hunyo 25 sa buntag.
Sa pagkutlo ning balita,milugwa ang mga espekulasyon nga hinimuan sa interim officials apan wala pa’y komento niini ang gitumbok nga mga personalidad.
Mihimo na sa magkalahi nga imbestigasyon ang hingtungdang mga ahensiya aron sutaon kon kinsa ang nagsugo sa upat ka tawo nga misulod sa COWD.
Hisayrang gikompirmar sa CLENRO nga ilang empleyado ang nakuhaan sa CCTV footage nga anaa sa sulod sa COWD data center room.
