CAGAYAN DE ORO CITY, Philippines – Ulan nga dala sa Inter Tropical Convergence Zone kon ITCZ ang magpasulabi sa Zamboanga Peninsula, SOCCSKSARGEN, BARMM, Davao Occidental, ug Palawan.
Kini nga mga pag-ulan posibleng magresulta sa flashfloods ug pagdahili sa yuta ilabe kung mukusog pa sa hapon o gabie.
Samtang katag-katang nga ulan sa hapon ug tumang ka-init sa udto padulong hapon ang masinatoan sa Cagayan Valley ug Aurora, epekto sa Easterlies.
Taas gihapon ang tsansa sa mga kasarangan padulong sa kusog nga ulan sa gabie.
Ang Metro Manila, pipilang bahin sa Visayas area, makasinati sa Localized thunderstorms partikular na sa hapon ug gabie.
Posible usab ang pagbaha ug pagdahili sa yuta kung dunay paglahutay sa ulan sa hapon o gabie. Kini nga mga pag-ulan dunay sagol nga dalogdog ug kilat.DINHI KITA SA ATONG REGIONAL FORECAST:
Ang syudad sa Cagayan de Oro makasinati sa 35% chance of rain sa hapon o gabie. Ang labing kusog nga huyop sa hangin musukod sa 11km matag oras. Ang general temperature musukod sa 24-32 °C. Ang heat index musukod sa 39°C.
Ang VISAYAS Area makatagamtam sa 52% chance of rain sa hapon o gabie. Labing kusog nga huyop sa hangin musukod sa 8km matag oras. Ang Temperatura gibana-bana sa 25-33 °C. Ang heat index misaka pa sa 42°C ilabe na sa Western Visayas.
Ang MANILA – NCR Area magbaton sa 56% chance of rain ilabe na sa hapon o gabie. Ang huyop sa hangin anaa sa 6km matag oras. Ang general temperature 26-33 °C. Ang Heat index musukod sa 41 degrees celsius.
Sunrise: 5:29
Sunset: 5:24
