Nag-atubang sa seryosong anomaliya ang Department of Health -10 (DOH).
Gipabusikad ni 2nd District of Misamis Occidental Representative Sancho Fernando “Ando” Oaminal, Vice Chairperson sa House Committee on Appropriations, kuwestiyonablo nga transaksyon sa DOH tali sa kontraktor nga Edtaha Builders Inc.
Sa gipahigayong budget hearing sa Kamarabah, nakakuha’g report si Oaminal nga mitug-an ang Edtaha Builders nga sila nagsumiter sa peke nga mga lisensya ug nagtukod sa substandard nga mga pasilidad sa rehiyon.
Gigamit nga basehan sa kongresista ang report gikan sa Philippine Contractors Accreditation Board (PCAB) nga nagpamatuod nga ang lisensya sa nasampit ng construction company “fake, counterfeit, false, ug fictitious”.
Maoy gikastigo ni Oaminal ang pagmintinar sa DOH Region 10 sa kontrata ug gibayran gihapon ang kontraktor, rason nga gidudahan sa magbabalaod ang motibo ug proseso sa bayad.
Hinoon, gitubag ni DOH Secretary Teodoro Herbosa ang “concern” ni Oaminal ug iyang gisaad nga susihon ang isyu, ug tun-an ang pagpasakag legal nga aksyon batok sa kontraktor, dungan sa pagpatubag sa mga nalambigit nga opisyal sa DOH-10.
