CAGAYAN DE ORO CITY – Atensyon sa fans ni sexy actress/blogger Ivana Alawi.
Kini tungod kay naglaraw ang actress nga duawon ang hometown sa iyang inahan nga si Fatima Alawi kinsa dunay kaliwatan diha sa Brgy Macabalan ning syudad.
Gi-anunsyo ni Ivana nga gusto usab niini ma-enjoy kon unsa man ang anaa nga tourist spots nga makit-an dinhi sa syudad ug Misamis Oriental.
Hinoon,wala pa mabutyag kon kanus-a nga petsa ang pagbiyahe ‘by-land’ sa pamilya ni Ivana padalikyat ning syudad.
Si Alawi kinsa dunay sobra 10 milyon social media followers ang wala lamang naila sa iyang pagpa-seksi apan gatabang usab kini gamit ang kaugalingong kinitaan niini.
Hisayrang daghan usab sa mga lalaki ang nag-interes sa actress tungod sa ‘daring videos’ niini nga makita ang pagka-seksi niini sa iyang pagka-babaye.
