CAGAYAN DE ORO CITY – Giangkon sa sikat nga actress-blogger Ivana Alawi nga sa walay pagka-taranta pabiling loveless gihapon siya ning panahona.
Kini bisan sa kadaghan sa mga lalaki nga nagtinguha nga maangkon ang iyang tam-is nga gugma.
Gibutyag sa dalaga nga may mga lalaki nga may gusto unta kaniya apan may dakong kahadlok moduol kaniya.
Kini tungod sa iyang ‘intimated face’.
Bisan niini,wala gikabalaka ni Alawi ang pagsilbing walay hinigugma kay nahatagan niya sa igong oras ang kaugalingon ilabina sa panahon sa pandemya.
Giklaro usab sa dalaga nga wala siya magdali magbaton sa ka-relasyon ilabina nga dili tanang lalaki ang tinud-anay sa ilang gugma.
Dumduman nga tungod sa sexy pictures ug videos ni Ivana,daghang kalalakihan usab ang nag-apas ug nag-pantasya kaniya.
