CAGAYAN DE ORO CITY – Nadakpan ang duha ka bisita nga tuyo unta modalaw sa pipila ka binilanggo sulod sa Misamis Oriental Provincial Jail diha sa Luna-Corrales Streets ning syudad kagahapon sa hapon.
Kini human nasapon ni MisOr asst jail warder Maricris Mulat sila si Mark Julius Dubria,18 anyos nga taga-Upper Puerto ug John Neil Matin-ao,18 anyos nga taga-Brgy Mambatangan,Manolo Fortich,Bukidnon nga naghupot sa suspected sachets sa shabu.
Miingon si Mulat nga nasita ang duha ka mga suspek dihang pasulod sa entrance gate diin nakuha gikan sa ilang posisyon ang punto 9 gramos nga gitoohang shabu diin may estimated street value nga 10-mil pesos.
Gitakdang kasuhan usab sa kapolisan ang mga suspek kinsa temporaryo nga detinado sa mini-cell sa Cogon Police Station.
