Gi-kumpiskar sa Japanese authorities ang usa ka barko sa China ug gi-aresto ang kapitan niini human kini molikay sa inspeksyon samtang naa sa exclusive economic zone sa Nagasaki Prefecture. Sumala sa Fisheries Agency sa Japan, gipahimangnoan ang barko nga mohunong alang sa inspeksyon apan wala kini mituman. Sakay sa barko ang 11-ka tawo, lakip na ang kapitan nga usa ka 47-anyos nga Chinese national. Base sa datos sa ahensya, dili kini ang unang higayon nga gi-sakmit sa Japan ang usa ka barko’ng pangisda nga gi-akusaran sa iligal nga operasyon sa ilang teritoryo.-
