Mipirma’g kasabutan ang Pilipinas ug Japan aron mas mapalig-on pa ang depensa taliwala sa nagka-grabe nga agresyon sa China.
Tumong sa mutual defense ang pagtinabangay sa duha ka nasud sa pagpalambo sa depensa ug mapalig-on ang kooperasyon panahon sa emerhensiya ug kalamidad.
Kini ang Acquisition and Cross-Servicing Agreement nga gilagdaan tali nila Japanese Foreign Minister Toshimitsu Motegi ug Philippine Foreign Affairs Secretary Theresa Lazaro sa Manila.
Ang kasabutan naglakip sa pagtugot sa paghatag ammuntions nga walay buluhisan, paghatag sa gasolina, pagkaon ug uban pang mga kinahanglanon sa pwersa sa duha ka mga nasud kung magpahigayon sa hiniusang pagbansay.
Gawas sa combat drills, ang kasabutan makatabang sa Japan ug Pilipinas nga magtinabangay sa pagtubag sa mga katalagman, ug pag-apil sa United Nations peacekeeping operations.
