CAGAYAN DE ORO CITY – Kasuha’g pagpanulis sa regular Cagayan de Oro Water District o COWD mngt ang grupo ni interim General Manager Fermin Jarales sa piskalya ning syudad.
Nunot kini sa pasangil nga pugsanong pagsulod ni Jarales kuyog ang iyang mga nakataptap nga mga kauban rason naguba ang pultahan sa COWD niadtong Abril 16 ning tuiga.
Miingon si COWD board of director chairman Dr. Gerry Caño nga gawas sa kasong pagpanulis,gitun-an usab sa ilang mga abogado ang pagsumbalik pagkaso sa usurpartion of authority batok sa grupo ni Jarales.
Napugos paglaylo si Jarales sa pag-opisina sa COWD tungod sa CEASE and DESIST order nga gilugwa sa korte batok kaniya ug sa Local Water Utilities Administration o LWUA.
Sa pagkutlo ning balita, pabiling gipili ni Jarales nga magpakahilom ug mohimo sa mga lakang-legal kaysa motubag pa sa mga isyu batok kaniya.
Sa katapusang interbyu sa media kang Jarales,mi-insister kini nga wala sila mangguba sa pultahan sa COWD ug dili ilang grupo ang nanglungkab sa opisina apan sa regular management ubos ni Engr Edna Najeal.
Apan gipasabot ni Najeal ug Caño nga dili na angay tuhuan ang ipanulti ni Jarales kay mismo na ang korte ang naglugwa sa hukom nga ipapahawa sila sa COWD.
