CAGAYAN DE ORO CITY – ‘Dili lang magsilbing functional apan impactful ang bag-ong mga napili nga opisyales sa Philippine Councilors League- Misamis Oriental chapter.’
Giluwatan kini nga pahayag ni Initao Municipal Councilor Atty. Louie ‘Koke’ Jarales nunot sa iyang pagkapili nga panguluhan ang PCL-MisOr chapter dihang gilusad nila ang general assembly ug piliay sa usa ka hotel ning syudad karong adlawa.
Namahayag ang batan-ong opisyal nga espesyal ang iyang kadaugan dili tungod kay wala siya’y kontra apan gumikan sa naghinobrang pagsalig sa mga kauban niini sa liga.
Sa maong eleksyon,mitunga ang 255 gikan sa 262 ka municipal councilors diin walay miatbang kaniya.
Si Jarales ang igsoon sa community organizer ug kanhi interim general manager sa Cagayan de Oro Water District nga si Fermin Jarales.
Nagsilbi iya nga bise-presidentee sa liga si Balingasag Municipal Councilor Alvin Edades.
Mo-serbisyo usab isip kalihim-heneral sa lega si Opol Municipal Councilor Atty. Karla Cabrera.
