CAGAYAN DE ORO CITY – Walay pagpangguba apan nagka-tinulura lang hinungdang nagguba ang main door sa employees entrance sa Cagayan de Oro Water District ning syudad kagahapon sa buntag.
Kini ang tubag ni interim Cagayan de Oro Water District o COWD General Manger Fermin Jarales batok sa pasangil nga giakusar kaniya sa regular mngt.
Miingon si Jarales nga mismo ang grupo ni acting regular COWD General Manager Engr Edna Najeal ang mihimo sa pagpanglungkab sa iyang opisina niadto pang Abril 15.
Siya miingon nga gitahod nila ang korte rason nga naka-status quo ang duha ka panig samtang gitakda sila moduso’g motion for reconsideration sa korte nga wala nag-ila sa Local Water Utilities Administration o LWUA intervention nga legal ang pagsulod sa COWD.
Kini ang rason nga iyang gipamugos nga walay lungkab nga nahitabo sukwahi sa gipamugos sa kampo ni Najeal.
