CAGAYAN DE ORO CITY-Samaron nga nadala sa ospital ang ubay-ubay’ng pasahero sa jeep pasayruhan nga nahaybol sa Upper Carmen ning syudad karong hapon lamang.
Kini human unang nadawad-an sa kontrol ang jeep nga gimaneho sa driver nga si Felipe Daanoy, 45 anyos, minyo ug nagpuyo sa Brgy Lingating, Baungon, Bukidnon.
Sumala ni Juana Daanoy, igsoon ni Felipe nga padulong unta sa merkado Carmen sa syudad aron ibaligya ang garga nila nga ‘nilubo’ nga mga mais dihang nadisgrasya.
Hinoon, dili grabe ang naangkon nga samad sa mga biktima kay paspas nadala sa Northern Mindanao Medical Center.
