Intresado ang kampo ni World Boxing Council minimumweight champion Melvin Jerusalem nga makig-unified title fight batok sa walay pildi nga Thai boxing champion nga himoon sa Japan ning tuiga.
Kini human nagpadayag sa kaikag ang Kameda Group of Japan nga hatagan sa dugang title fight si Jerusalem epekto sa malampusong pag-depensa niini sa iyang bakus batok Mexican challenger Luis Castillo sa kauluhan sa miaging Domingo.
Miingon si boxing manager JC Manangquil nga mas gusto nila ikasangka si Thai boxer Thammanoon Niyomtrong nga 12 ka tuig nang naghawid sa titulo sa World Boxing Association.
Siya miingon nga mas exciting ang ipakita nga away sa duruha kon mahatagan kini sa kahigayon.
Ang 30 anyos nga si Jerusalem nga garbo sa Manolo Fortich, Bukidnon ang dunay kargada nga 26 ka away,23 daug,12 knockouts ug 3 pildi.
Samntang ang 34 anyos nga si Niyomtrong nagkupot usab sa 25 ka pulos daug nga away apan siya pa lang ang knockouts.
