CAGAYAN DE ORO CITY – Giangkon ni re-elected Misamis Oriental Vice Gov. Jigjag Pelaez nga maglisod kini sa paglihok nunot sa kapildihan ni Provincial Gov. Peter Unabia.
Kini human gitakda nang mosulod sa kapitolyo ang miparot kang Unabia nga si kanhi Congresswoman Juliette Uy sa Hunyo 30 ning tuiga.
Miingon si Pelaez nga mas dali ang pagtunol nila sa serbisyo sa katawhan sa lalawigan kung managsama unta ang mga dagkong opisyal nga mopadagan sa kapitolyo-probinsyal.
Dugtong niini,gipasalig ni Cong. Bambi Emano nga suportahan ang liderato ni Uy kung makita niya nga adunay ikaayo sa katawhan.
Apan prangka usab kini nga misulti nga walay makuha nga suporta ang bag-ong administrasyon kung mohatag sa kalisdanan sa katawhan sa lalawigan ang mga pangbuhaton nga mga lakang niini.
Hisayrang sa pagka-proklama ni Uy isip bag-ong gobernador, gilayong mipalanog kini sa kahiusahan sa mayoriya sa Sangguniang Panlalawigan ug Emano alang sa dugang kalambuan sa lalawigan.
