Excited si kanhi PBA star ug bag-ong head coach sa NLEX nga si Jimmy Alapag sa iyang pagbalik sa nasod aron pangulohan ang Road Warriors human sa unom ka tuig nga kasinatian sa pag-coach sa NBA.
Gipadayag sa 48-anyos nga mentor nga tinguha niyang ipatuman ang positibong kultura ug mga teknikal nga leksyon nga iyang nakat-unan gikan sa kanhi Sacramento Kings coach nga si Mike Brown.
Laraw sa maong coach nga mas mapahait pa ang abilidad sa mga pambato sa koponan sama nila Robert Bolick, Kevin Alas, Schonny Winston, Matt Nieto, ug LJay Gonzales aron makabangon gikan sa ilang sayong pagkapilde sa miaging quarterfinals.
Tungod niini, nagpaabot na ang tanan sa iyang debut nga pagpangulo sa NLEX batok sa guest team nga Macau sa pagbukas sa Governors’ Cup karong Hulyo 10.
