Nagbaton na ba sa bag-ong kaplag sa gugma ang kamagulangang anak ni boxing icon Manny Pacquiao nga si Jimuel?
Kini ang pangutana sa social media netizens dihang garbo nga gi-upload ni Jinkee Pacquiao ang litrao ni Jimuel diin adunay ka-holding hands nga mestisang babaye.
Nakahigayon si Jinkee nga ma-monitor ang kalihukan ni Jimuel kay atua sila ni Manny sa Los Angeles,California diin didto nagpuyo ang ilang anak nunot sa pagpursige nga mahimong dekalibreng boksingero.
Sa maong litrato, nabantayan sa netizens nga ang maong ka-holding hands ni Jimuel,nakasul-ob sa kolor green nga dress diin kakuyog nila sa pagbaklay ang magtiayong Manny ug Jinkee.
Gumikan sa maong sweet photos,nagtoo ang fans ni Jimuel nga nagbaton na kini sa bag-ong hinigugma.
Gitoohan nga usa ka Mexican beauty ang nabaniug nga bag-ong minahal sa batan-ong boksidor.
Hisayrang tipik sa kanhi mga hinigugma ni Jimuel sila actress Arabella del Rosario ug sexy actress Heaven Peralejo.
