GOOD NEWS!!! Kapin sa 4,000 ka trabaho ang naghulat alang sa mga jobseekers karong Disyembre 5, Biyernes, sa dakung mall sa syudad.
Gibutyag ni JV Atheneus Vasallo, Regional Technical Director sa Department of Labor and Employment (DOLE) Region 10, nga kapin 3,000 ka local jobs ug gatusan ka oportunidad sa gawas sa nasud ang giandam alang sa mga aplikante.
Mukabat sa 81 ka employers ang musalmot sa kalihukan, kundiin, kini bukas alang sa mga bag-ong gradwar ug mga walay trabaho.
Kasagaran sa mga hiring naglakip sa contractual jobs sa fastfood services, spa ug beauty parlors sama sa beauticians ug nail care specialists.
Tulo ka dagkong kompanya ang nanginahanglan sa web developers ug production workers, nga naghatag ug mas dagkong oportunidad sa teknikal ug manufacturing nga sektor. Ang job fair sa DOLE-10 gi-alayon sa ilang ika-92 ka tuig nga anibersaryo sa ahensya sa Northern Mindanao.
