Tinood nga reporma ug dili dapat token nga solusyon! mao kini ang gipadayag sa labor activist nga si Ka Rene Magtubo sa iyang pagsaway sa mga programa sa administrasyong Marcos.
Sa iyang interbyu Bombo Radyo,gibutyag niya nga usa ra ka token nga solusyon o pampahumot ang gipahigayong mga job fair sa kagamhanan tungod kay wala kini nagatubag sa pundamental nga problema sa panrabahoan.
Dugang pa niya, dili makasugakod ang gipahibalo sa gobyerno nga 60,000 ka mga aplikante nga giingong nadawat aron makahimo og maluntaron ug maayong sweldo nga trabaho para sa katawhan.
Busa gipamugos ni Magtubo nga kinahanglang ipatuman ang usa ka structural reform nga mag-usa sa pagpalambo sa lokal nga industriya ug modernisasyon sa agrikultura.
