Gipamugos sa geopolitical analyst nga si Herman Tiu Laurel nga mas maayong buhion ang joint oil and gas exploration proposal uban sa China aron makab-ot ang tinuod nga kaayohan sa nasud.
Gitin-aw sa eksperto nga pinaagi sa kasabutan nga 60/40, diin 60 porsyento ang makuha sa Pilipinas ug 40 porsyento sa China, mahimong makabaton na ang Pilipinas og kaugalingong suplay sa lana pag-abot sa tuig 2029.
Dugang pa ni Laurel, dili na kinahanglan nga mangayo pa og suplay sa lana sa ubang nasud ang Pilipinas kon ma-implementar na ang maong proyekto nga gipaluyohan usab sa mga retiradong ambassadors sa nasud.
Sa iyang panan-aw, ang pakigsabot ug pakig-alayon sa China ang labing epektibong pamaagi aron hingpit nga mapahimuslan ang mga natural nga kahinguhaan sa disputed areas sa South China Sea.
