CAGAYAN DE ORO CITY – Mas aktibo ang simbahang Katolika sa sa paghisgot sa ilang klaro nga barugana batok re-imposition sa death penalty sa Amihang Mindanao.
Matud ni Fr. Raul Dael sa archdiocese of Cagayan de Oro nga lapad nga ihap sa mga Katoliko ang misupak sa death penalty diin nagpakita sa pagbarog nga matag tawo mahimong “pro-life”.
Nagtoo si Dael nga walay katungod ang tawo nga mupatay sa iyang isig ka tawo.
Siya miingon nga samtang buhi pa ang tawo sa kalibutan angayan nga siya mareporma ug mahatag sa tsansa nga magbag-o.
Walay luna alang sa mga kristiyanong pagtuo ang pagsuport sa silot kamatayon.
Gani, gipanawagan karon sa tanan kasimbahanan sa Aminahang Mindanao ang Judicial Reform.
Inay silot kamatayon, reclusion perpetua ang angayan nga ipahamtang sa mga tawong nagbaton sa mga bug-at nga salaod.
Kini nagtumong nga mareporma pa sa tawo ang iyang pamatasan sulod sa selda samtang gisilbihan ang iyang sentensya.
Taas usab ang posibilidad nga mahatagan sa luna nga magbasol sa mga sala ang mga kriminal nga napriso.
