CAGAYAN DE ORO CITY – Gitawag ni City Vice Mayor Jocelyn ‘Bebot’ Rodriguez ang mga kauban niya sa Centrist Democratic Party o CDP nga sila Kag. James Judith ug Kag. Malvern Esparcia nga ‘prostitute’ sa konseho sa dakbayan.
Gihimo ni Rodriguez ang pahayag dihang nahukman sa partido nga isalikway ang duruha tungod sa pagtraydor kay giingong nagpasilong na kang City Mayor Rolando ‘Klarex’ Uy.
Namahayag ang bise-mayor nga dili kawad-on si Esparcia ug Judith sa ilang partido kaysa mag-antos sila nga pagkupot kanila nga giingong walay utang kabubut-on.
Sila Judith ug Esparcia ang gisagop sa CDP sa miaging 2022 elections diin pulos nangdaug sa ilang gihutpang katungdanan.
Samtang gisakitan apan nasabtan ni Esparcia ang pagbati ug kasuko ni Rodriguez ngadto kanila ni Judith.
Kini ang hinungdan nga kutob na lang sa pagpasalamat si Esparcia kon unsa man ang nahitabo sa iyang kinabuhi isip konsehal sa dakbayan ning panahona.
Apan namayayag usab kini nga walay dautan sa ilang pagpangayo’g tabang kang City Mayor Rolando Uy kay maayo man ang relasyon niini ngadto sa mga Rodriguez.
Samtang alang usab kang Judith,wala na niini tumpangi ang gibating kasuko sa bise-mayor ug nangayo na lang gihapon kini’g pasaylo.
Siya miingon nga kon dawaton sila sa mayoriya sa konseho,dako nila kini nga ikalipay ni Esparcia aron mas makahatag pa’g dugang pagserbisyo sa katawhan sa dakbayan.
Sa pikas bahin,dili babag kang Uy nga magpasakop na sila ni Esparcia ug Judith kaniya pinaagi sa pagkuyog sa mayoriya sa konseho sa dakbayan.
Kini kon makit-an usab niini nga dili makahatag suliran sa pagserbisyo sa katawhan ang pagpasilong sa duruha sa iyang liderato sa syudad.
Namugos ang mayor nga wala daw kini kasayuran sa nahitabo kanila kang Judith ug Esparcia apan mismo gikautubang na iya kini kuyog si Rodriguez sa maong isyu sa miaging adlaw.
