CAGAYAN DE ORO CITY – Igo lang mapapha kon madutlan sa kasong impeachment si Vice Pres Sara Duterte nga buhaton sa senado kaniya apan makahimo pa kini’g pagdagan sa pagka-presidente sa 2028 elections.
Kini ang punto-legal nga gipadayag ni Konsehal Atty. James ‘Asdang’ Judith kabahin sa giatubang nga impeachment complaint ni Inday Sara sa senado.
Miingon si Judith nga wala malakip sa sugo sa balaod nga kon mapapha ang usa ka impeachable official nga did-an na kini nga makadagan sa taas nga ang-ang sa posisyon sa gobierno sama sa kaso ni Duterte.
Siya miingon nga hinoon,maigo sa political propaganda si Duterte kay gamiton nga hinagiban sa iyang mga kontra sa politika ang isyu ilabina kon pahamtangan siya’g conviction verdict sa mga senador nga magsilbing mahistrado sa maong pagdungog.
Hisayrang gibutyag ni Judith nga wala maapil sa isilot kon makonbikto si VP Sara ang pagpugong na kaniya makadagan sa bisan unsa nga elected position ug paghupot sa katungdanan sulod sa gobierno.
