CAGAYAN DE ORO CITY – Wala mo-sentro sa mga mayores sa kalihukang-politika ni incoming Misamis Oriental Provincial Governor Juliette Uy apan ngadto sa katawhang-Misamisnons.
Kini ang kabahin sa gipalanog ni Uy nunot sa iyang paghurar atubangan sa katawhan isip bag-ong gobernadora sa lalawigan.
Miingon si Uy nga dili angay mapadaplin ang mga mayores sa kalungsuran ug duha ka component cities apan mas importante alang kaniya ang milangkob nga katawhan sa duha ka distrito sa lalawigan.
Nagkahulugan nga isip gobernadora sa umaabot Hunyo 30 sa udto,dili lang maka-pokus sa mga alyado sa politika ang administrasyon niini apan sa tanang hut-ong sa katilingban.
Nagkahulugan nga bisan ang mga kaatbang niya sa politika ang dili hikawan nga mobisita kaniya sa kapitolyo-probinsyal kay magsilbi man kining inahan alang sa lalawigan.
