CAGAYAN DE ORO CITY, Philippines – Patay ang usa ka babayeng Lebanese, ug laing lima ka sibilyan ang patay sa gilusad nga artillery ug airstrike sa Israeli Defense Foroce sa Qabrikha, Lebanon.
Gibutyag sa Lebanese Ministry of Public Health nga nadawat nila ang mga lawas sa biktima human miresponde ang mga otoridad sa gi-atake nga lokalidad.
Namahayag ang Public Health Emergency Operations Center nga kasamtangan nilang gi-operahan ang duha ka bata, nga gilangkoban sa usa 12 anyos, dihang diriyot mabuslot ang lawas sa buhing bala gikan sa IDF.
Laing tolo ka mga samaran ang na-respondihan sa gamay nga komonidad sa Houla.
Una niini, gikompirmar sa Lebanese military nga ang Israeli military milusad sa pito ka airstrikes gikan sa unom ka syudad ug komonidad, ug laing siyam ka komonidad sa Southern Lebanon ang gi-atake sa ground troop sa IDF, kagahapon.
Unang nasugdan ang cross border tensyon sa grupong Hezbollah ug IDF sa Oktobre 8, 2023 human mi-angkon si Hezbollah Secretary-General Hassan Nasrallah nga mi-abag sila sa Hamas sa pag-atake sa Israel
