Patay ang usa ka pinay sa Haifa, human tipik kini sa mga biktima nga nakabsan sa missile attack sa Israel niadtong Abril 5 samtang nagpadayon ang panagbangi sa Middle East.
Gikompirmar sa Department of Foreign Affairs (DFA) karong Martes ang kamatayon sa nasampit nga Overseas Filipino Worker (OFW).
Subay sa report nakabsan ang pinay kauban ang ilang langyaw nga bana nga Israeli ug mga tigulang niyang biyenan sulod sa usa ka puy-anan sa Haifa niadtong Dominggo sa gabii.
Wala na naghatag sa dugang detalye ang DFA, ilabe na sa pagtuki sa personalidad sa namatay.
Nakigkoordinar na ang DFA sa Philippine Embassy sa Tel Aviv sa posibilidad nga ma-repatriate ang lawas sa namatay nga OFW.
Hisayran nga duha ka pinay OFW ang namatay sukad mibutho ang gubat sa Israel batok Iran.
