CAGAYAN DE ORO CITY, Philippines – Misaka pa sa gatus ka tawo ang patay human atakeha sa Israeli Defense Force (IDF) ang dakung tunghaan sa Al-Tabi’in ug ang refugee site sa Khan Younis City.
Namahayag si Mahmud Basal, tigpamaba sa Gaza Civil Defense nga gitarget sa airstrike ang mga abandonadong tunghaan kung asa nanago ang mga pamilya nga nawad-an sa puy-anan sa Northern Gaza.
Paspas nga gihimakak sa IDF ang report ug namugos nga walay civilian casualties sa ilang pag-atake tungod kay iladong hideout sa Hamas ang ilang gipaluparan sa missile. Kini na ang pinakadugoong atake ning semanaha.
Sa kinatibuk-an, misaka pa sa kapin 40,300 ka tawo ang patay sa Hamas-Israel War nga nasugdan niadtong Oktobre 2023.
