CAGAYAN DE ORO CITY, Philippines – Misaka pa sa 14 ka tawo ang patay tungod sa Bagyong Enteng.
Apan, namahayag ang National Disaster Risk Reduction and Management Council nga duha pa lang ang ilang nabalidar ug padayong gisuta kung related ba sa bagyo ang pagkamatay sa 12 pa ka tawo.
Namahayag si NDRRMC Director ug Spokesperson Edgar Posadas nga labing grabeng naapektuhan sa bagyo ang kalit nga pagsaka sa tubig baha sa Cebu Province nga miresulta sa pagkakutlo sa duha ka tawo, ug uban panglugar sa Eastern Visayas nga halos lahos sa atop ang baha ug mga pagdahili sa yuta.
Humod kutob tuhod ang baha sa Bicol Region hinungdan nga nasuspenso ang tanan lebel sa klase kagahapon, ug hangtud karon, tungod kay nasudlan sa lapok ang ilang mga tunghaan.
Laing pagbaha ang natala sa lapad nga bahin sa National Capital Region sa alas 11 sa buntag hangtud sa gabie. Wala namatubag ni Posadas ang pangutana sa prensa kung nakapangan ba ang gobyerno sa grabeng epekto sa bagyo.
Basi sa forecast, ang bagyong Enteng hangtud pa sa adlaw’ng Huwebes sa Philippine Area of Responsibility, ayha mugawas padulong sa Taiwan ug China.
