CAGAYAN DE ORO CITY, Philippines – Patay ang 15 ka mga Palestino sa labing lab-as nga atake sa Israeli Defense Force sa Southern Gaza Strip.
Namahayag ang Palestinian Security nga gitarget sa IDF Jetfighter ang usa ka refugee camp Nuseirat central Gaza kundiin 10 ang dead on the spot.
Gidala sa hospital ang laing 15 ka samaran nga pulos mga bata ug kasagaran anaa sa kritikal nga kondisyon.
Sa pikas bahin, gisegunda nga gi-atake sa IDF ang makeshift bakery sa Al-Mawasi area, sa kasadpang bahin sa Khan Younis City, southern Gaza Strip. Kumpirmadong patay ang laing lima ka Palestino nga nag-atang sa ilang gipalit nga pagkaon.
Sa pagkutlo ning balita wala pay komento ang IDF sa ilang duha ka pagpangatake kagahapon.
