CAGAYAN DE ORO CITY, Philippines (UPDATE) – Misaka pa sa 18 ka magtutungha ang patay sa pagkasunog sa dormitoryo sa Hillside Endarasha Primary School sa Nyeri County, Kenya.
Namahayag si Pius Mugambi Murugu, acting commissioner sa rehiyon nga duna pay 70 ka mga magtutungha ang missing dihang nahitabo ang sunog nga hinanok ang tulog sa mga biktima.
Gitug-an sa Boarding School Management kang Kenya’s deputy president Rigathi Gachagua, nga mikabat sa 311 ka mga bata ang anaa sa tunghaan dihang mahitabo ang sunog.
Sa pagkutlo ning balita, anaa pa sa 27 ang nadala sa balaytambalanan tungod sa pagkasunog sa pamanit.
Gikasubo sa Kenyan Red Cross ang pagreport sa mga ginikanan nga dunay 16 pa ka mga magtutungha nga halos dili na maila dihang gidala sa hospital.
Usa ka bata ang dugang namatay, human wala na maka-antos sa iyang mga paso sa lawas, sumala ni Resila Onyango, spokeswoman sa Kenyan National Police.
Gimando ni Kenyang President William Ruto ang sobsob nga imbestigasyon human inisyal nga gireport nga tinuyo ang pagsunog sa tunghaan.
