Misaka pa sa 19 ang nakabsan sa pag-igo sa kusog nga linog sa daghang bahin sa Cebu, bandang 9:59 kagabie.
Lakip sa nakabsan ang 13 ka tawo sa Bogo City, ang episentro sa linog.
Siyam ang hamtong ug upat ang minors.
Silang tanan narekober nga patay sa nahugno nila nga mga puy-anan, subay sa Cebu Information Office.
Samtang laing lima ang nakalas sa San Remigio.
Maoy namatay ang 3 ka personnel gikan sa Philippine Coast Guard (PCG), ug usa ka miyembro Bureau of Fire Protection (BFP).
Kining mga nakabsan gikan pa nagdula sa basketball sulod sa gym sa maong lugar.
Laing usa ka bata, kinsa napalgang natrap sa nahugno nga gambalay ang nadugang sa fatalities.
Ang katapusang patay narekober sa Tabuelan ug gikompirmar ni Mayor Rex Gerona ang pagkamatay sa usa ka senior citizen.
