CAGAYAN DE ORO CITY, Philippines – Patay ang duha ka senior judges human giatake sa armadong kalalakihan ang Korte Suprema sa Tehran, Iran.
Nailhan ang mga namatay nga sila Associate Justice – Judge Ali Razini, hepe sa Branch 39, ug si Mohammad Moghiseh, hepe sa Branch 53, sa Iran’s Supreme Court.
Nagtuo ang mga imbestigador nga organisado ang pagpatay sa duha ka huwes human milampos kini’g sulod sa korte nga may dalang armas, taliwala sa ka-istrikto sa gipatumang seguridad.
Gikonsiderar sa mga kapulisan nga gipaluyohan sa mga terorista ang insidente.
Lakip sa mga nasamdan sa insidente ang eskorte sa mga huwes, kinsa misaksi sa hitabo.
