CAGAYAN DE ORO CITY, Philippines – Missing pa ang duha ka lalaki nga mangingisda human mi-unlod ang ilang gisakyang motorbanca sa lawod nga bahin sa Quezon Province, kadlawon sa adlaw’ng Sabado.
Segun sa kapulisan, mipakatag na sa rescue teams ang ilang han-ay aron pangitaon ang duha sa unom nga misakay sa nabalintong nga demakina nga baroto.
Subay sa report, midusmo ang ilang motorbanca sa poste sa kongkretong tulay sa bisinidad sa Tagkawayan hinungdan nga kini na-imbalanse ug nayabo ang mga sakay niini.
Upat ra ka mananagat ang naluwas.
