CAGAYAN DE ORO CITY – Duna na’y persons of interest nga gitutukan ang mga imbestigador sa nahitabo pagparakrak sa mga armas sa mga gitoohang miyembro sa New Peoples Army sa San Fernado Municipal Police Station.
Miingon si Police Capt Jiselle Longgakit nga dili una nila isulti ang ngalan sa ilang potential suspect aron dili mabalda ang ilang gihimong pursuit operation.
Una niini, nakakuhag report ang Bombo Radyo News Team nga usa ka Ka Pia Alonzo ug Ka Nikolas Marino ang mi-angkon nga ilang grupo sa CPP-NPA ang responsable sa pagpangharas sa mga istasyon sa pulis, CAFGU ug sundalo sa Bukidnon.
