CAGAYAN DE ORO CITY, Philippines – Matibawas na ang 2024 Asia-Pacific Ministerial Conference on Disaster Risk Reduction (APMCDRR), ning adlaw.
Ang ministerial meeting unang nasugdan Oktobre 14, ug si President Ferdinand Marcos Jr ang misugat sa mga representante sa Asia Pasipiko.
Sa milabay’ng Ministerial Dinner, usa-usa nga gipasalamatan ni Marcos ang managlahing delegado sa tinuig nga pagpulong, kundiin, ning tuiga ang Pilipinas maoy nagsilbing host country alang sa 2024 APMCDRR.
Ang tema sa Asia-Pacific Ministerial Conference mao ang ang Surge to 2030: Enhancing Ambition in Asia-Pacific to Accelerate Disaster Risk Reduction.
Tumong sa tigom ang padayong pakigbatok sa Climate Change nga miigo sa Asya Pasipiko pinaagi sa paggamit sa bag-ong teknolohiya, kooperasyon ug bag-ong model aron maminusan ang epekto niini.
Usa sa gihimong model ang Sendai Framework for Disaster Risk Reduction 2015-2030.
