CAGAYAN DE ORO CITY, Philippines – Naka-abot na sa Israel ang pasi-unang tulo ka bihag nga gibuhian sa Hamas Militants, segun sa nasabutan, sa unang hugna sa 42-days ceasefire sa Gaza.
Gihatud sa mga mediators sila Romi Gonen, Emily Damari ug Doron Steinbreche, ug gilayong gipasakay sa chopper gikan sa Re’im Souther Israel, padulong sa Sheba Medical Center sa Tel Aviv.
Subay sa pamahayag sa Red Cross, anaa sa maayong kondisyon ang tulo ka mga nabuhiang hostages.
Una niini, gitin-aw ni Israel Prime Minister Benjamin Netanyahu nga temporaryo lamang nga ceasefire ang ilang gipatuman sa Gaza, aron mabuhian ang tanan 97 ka mga hostages sa Hamas.
Iyang gipasalamatan si outgoing US President Joe Biden ug incoming US President Donald Trump sa ilang pagpaningkamot nga matuman ang ceasefire.
