CAGAYAN DE ORO CITY, Philippines – Patay ang usa ka driver samtang angol ang duha ka backride niini dihang nabangga ang motorsiklong gisakyan sa National Highway Brgy Jampason, Jasaan Misamis Oriental.
Basi sa inisyal nga imbestigasyon sa kapulisan, gikan sa Balingasag ang mga biktima dihang pag-abot sa Jasaan nabangga sila sa barikada sa dalan nga nagresulta sa duguon nga aksidente.
Gituohang lango sa ilimnong makahubog ang mga biktima atol sa hitabo.
Padayon pang giatiman sa balay-tambalanan ang duha ka mga backride.
