CAGAYAN DE ORO CITY, Philippines – Patay ang tulo ka tawo samtang ubay-ubay ang samaran sa panagbangga sa Super 5 nga Bus ug Freezer Van sa National Highway Purok 1, Maputi Naawan, Misamis Oriental.
Subay sa inisyal nga imbestigasyon sa kapulisan, gikan sa magkalahing direksyon ang duha ka sakyanan ug nahitabo ang pagbangga dihang kalit nga mibalhin sa pikas lane ang bus nga resulta sa disgrasya.
Padayon pang gisuta sa mga otoridad ang matood nga hinungdan sa aksidente.
Gidala na sa balay-tambalan ang mga samarang biktima.
