CAGAYAN DE ORO CITY – (update) Gi-anunsyo ni Department of Health Sec Dr. Francisco Duque III nga nag-negatibo na ang tanan 30 ka pasyente nga gipaubos isip “person under investigation” o PUIs.
Gikan kini sa 80 ka PUI’s nga natala sa DoH sa tibook Pilipinas, diin 67 niini gipaubos sa admission ug napulo ang gipapauli.
Gitin-aw ni Duque nga gihimo ang resulta sa dinhi sa Pilipinas gikan sa Research Institute for Tropical Medicine o RITM.
Kahinumduman nga unang nagpadala sa unom ka samples ang DoH sa Australia ug unang milugwa ang report nga nagpostibo ang 38 anyos nga babayeng estudyante nga usa ka Chinese national.
Mipasabot ang DoH nga namatay ang hinigugma sa maong babaye tungod sa paghina sa iyang immune system tungod sa pneumonia nga gipakusog sa Corona Virus ug community aquired influenza.
