Kapin 30 ka tawo ang patay human nahulog ang crane sa tren sa amihanan-sidlakang bahin sa Thailand.
Nadiskaril ug naguba ang pipila ka mga bagon ayha nasunog ang tren dihang mihagsa ang crane gikan sa usa ka construction site sa maong lugar.
Kapin sa 170 ka pasahero ang nagsakay sa tren sa dihang nahitabo ang insidente.
Nagsugod na ang imbestigasyon sa State Railway of Thailand ug ilang gisiguro nga panagutanon ang construction company nga responsable sa aksidente.
Gikan sa Bangkok ang tren ug padulong unta sa Ubon Ratchathani sa dihang nahitabo ang trahedya.
