CAGAYAN DE ORO CITY – Nadakpan na ang upat ka suspek nga gitudlong mi-gang rape sa 20 anyos nga babayeng estudyante sa Southern Philippines College o SPC, kagabi.
Sa exclusive interview sa Bombo Radyo Cagayan de Oro, gibutyag ni Police Executive Master Sargeant Ricky Bagas, OIC station commander sa Police Station-5 nga nadakpan gilayon nila ang tolo ka suspek human gi-report ang insidente sa ilang istyasyon.
Mi-angkon si Bagas nga pulos criminology students ang mga suspek.
Usa sa mga suspek ang mitug-an nga usa ka menor de edad.
Base sa inisyal nga imbestigasyon, nahitabo ang krimen human nakig-inom ang mga suspek sa biktima.
Gi-angkon sa usa sa mga suspek nga milugos sa biktima nga wala kini mipalag sa dihang ila kining gihilabtan.
Hisayran nga nahitabo ang paggang rape sulod sa boarding house sa mga suspek atubangan sa ilang tunghaan.
Mitug-an ang usa sa mga suspek nga gi-video nila ang pagpanglugos
Namugos ang biktima nga nahitabo ang paglugos kaniya samtang dunay dakung aktibidad ang ilang tunghaan kagabie.
