CAGAYAN DE ORO CITY – Gikompirmar sa Bureau of Fire Protection nga lawas sa tawo ang napalgan sulod sa nasunog nga two storey house sa pamilya Ayagud sa Barangay 22, lunsgod sa Cagayan de Oro.
Kuyog nga gisusi sa BFP ug sa Agora Police Station ang nasunog nga balay kaganina sa buntag.
Sumala ni Police Master Sargeant Ronnie Donasco, hepe sa Agora Police Station nga dunay duha ka lawas sulod sa pansayan (CR) ang napalgan sa ikaduhang andana, ug laing usa sulod sa usa ka lawak.
Usa pa ka lawas ang natabunan sa sin sa unang andana sa balay.
Sa pakisusi sa kauban sa simbahan ug paryente sa mga biktima, desidido silang ipa-ubos kini sa otopsiya aron mapamatud-an kung lawas ba sa mga tagbalay ang napaig.
Kahinumduman nga nasugod ang balay nila Juliet ug Ador Ayagud, Miyerkules sa gabie, ug hangtud karon, walay nagpatala sa kapulisan nga sila missing.
