CAGAYAN DE ORO CITY, Philippines – Singkwenta ka lawas ang nabangalan sa duha ka mass grave sa Habagatan disyerto nga bahin sa Libya.
Namahayag ang opisyal sa maong nasud nga dili nila kaliwat ang mga narekober nga patay, busa gidudahan nila kining mga refugees gikan sa Amihanan Aprika nga nagtinguha nga makasulod sa managlahing baybayong sa Uropa.
Ang unang mass grave mitala sa 19 ka lawas ug gilubong duol sa kauman sa Kufra City.
Subay sa inisyal nga report, nakatagamtam sa mga igo pinusilan sa managlahing bahin sa lawas ang mga biktima, ug posible kining gimasaker sa gitoohang mga kriminal gangs nga naglihok sa maong nasud.
Gipaubos na sa otopsiya ang lawas sa mga patay ug laraw sa gobyerno sa Libya nga hatagan sa desenteng lubong.
