CAGAYAN DE ORO CITY, Philippines – Misaka pa sa 51 ka lawas ang narekober sa pagka-diskarel sa bus sa dakung tulay sa Guatemala City.
Subay sa report gikan pa sa Puente Belice ang bus ug na-aksidente dihang miagi sa tulay sa San Agustin Acasaguastlan.
Mukabat sa 65 ka tiil ang kahabog sa nahulog nga bus padulong sa mabaw nga suba.
Namahayag si Carlos Hernandez, tigpamaba sa gobyerno sa Guatemala, nga misumada na sa 36 ka lalaki ug 15 ka babaye ang ilang nabangalang patay ug napadala sa morgi.
Gikasubo ni Guatemalan President Bernardo Arevalo ang hitabo ug gideklarar ang tolo ka adlaw sa nasudnong pagbangutan.
“I stand in solidarity with the families of the victims who today woke up to heartbreaking news. Their pain is my pain,” ingon ni Arevalo sa social media.
