CAGAYAN DE ORO CITY – Nagdeploy na ang 58IB, Philippine Army sa ilang tropa palibot sa Sitio Bawsan, Brgy. Quezon, Balingasag, Misamis Oriental.
Kini tungod sa pagpangharas sa NPA sa mga sibilyang mga sekyu nga nanarbaho sa Minergy Coal Powered Plant.
Si Lt Col Roy Anthony Derilo, commander sa 58 IB mibutyag nga andam sila muhatag seguridad sa mga residente ug mga trabahante sa planta human mipakatag sa fake news o propaganda ang ebelde nga ilang na-atake ang planta.
Gawas niini,misugyot si Derilo sa kapolisan nga kasong sa attempted extortion ug robbery ang 15 ka NPA members nga nangilog sa armas sa kompanyang Minergy.
