CAGAYAN DE ORO CITY – Misaka pa sa unom ka gibuhiang ex-convict gikan sa high detention facility sa Davao ug sa Iwahig Penal Prison sa Puerto Princesa ang mitahan sa gobyerno.
Gibutyag ni Lt Col Mardi Hortillosa,tigpamaba sa Police Regional Office-10 nga tulo niini ang nagbaton sa kasong murder, tag-usa ang dunay kaso nga lugos, roberry with rape, samtang ang ikatolo nga surrenderee nag-atubang sa kasong rape ug arson.
Namahayag si Hortillosa nga labing ulahing misurrender mao si Elias Berdin, 61 anyos, minyo ug molopyo sa Phase-5 Sitio San Vicente, Brgy. Tongan-tongan, Valencia City, Bukidnon.
Si Berdin nag-atubang sa kasong murder ug frustrated murder ug nasentensyhan niadtong August 05, 1993.
Gipriso si Berdin sa IWAHIG PENAL PRISON and PENAL FARM, Puerto Princesa ug gibuhian ubos sa Good Conduct Time Allowance o GCTA Law niadtong Hulyo 16, 2019 diin permado ang ilang release paper ni CHIEF SR/SUPT GERARDO ARO, Prison Institution Superintendent.
