CAGAYAN DE ORO CITY, Philippines – Dili muminos sa unom ka tawo ang patay, ug laing 16 ang samaran sa lab-as nga opensiba nga gilusad sa Russian Troops sa syudad sa Poltava, Central Ukraine.
Gikasubo ni Ukrainian President Volodymyr Zelensky ang atake, kagabie, ilabe na nga mga sibilyan sulod sa residential area ang giatake sa mga sundalo.
Namahayag ang State Service for Emergencies nga 21 ka tawo ang naluwas sa pagkahugno sa apartment building nga gitirahan sa missile sa mga sundalong ruso.
Sa wala pa ang atake sa Poltava, mitala usab sa usa ka tawo ang patay sa drone strike sa syudad sa Kharkiv, samtang duha ang nakalas sa pag-atake sa amihanang-sidlakang rehiyon sa Sumy.
Midamyos sa dagkung pasilidad ang dugang Russian Offensives sa amihanang rehiyon sa Kiev, kasadpang rehiyon sa Khmelnytsky, lakip ang habagatang rehiyon sa Zaporizhzhia ug Odesa.
