CAGAYAN DE ORO CITY, Philippines – Misaka pa sa dul-an 90 ka tawo ang nabangalang patay tungod sa Severe Tropical Storm Kristine.
Namahayag ang National Disaster Risk Reduction and Management Council (NDRRM) nga labing daghan sa mga namatay nagsumikad sa Calabarzon, ug Bicol Region.
Namahayag si Office of the Civil Defense (OCD) Director ug Spokesperson Edgar Posadas nga padayong ipa-ubos sa berepikasyon ang 85 ka mga patay nga napalgan sukad kagahapong adlaw.
Sa maong ihap misaka pa sa 70 ang samaron ug 41 ang reported nga missing.
Nabalaka si Posadas nga musaka pa ang ihap sa mga fatalities tungod kay humod pa gihapon sa tubig-baha ang 50% residential area sa Bicol.
Gibana-bana sa OCD nga muabot sa 2 milyon ka tawo ang apektado sa pagkuso-kuso sa Bagyong Kristine sa Regions 1, 2, 3, MIMAROPA, Region 8, Region 9, ug CARAGA.
Anaa pa gihapon nagpasilong sa mga evacuation centers ang 24,988 ka mga indibidwal nga wala nay balikan nga mga puy-anan kay gilampurnas sa bagyo.
Subay sa labing lab-as nga report sa OCD, misaka pa sa 84 ka syudad ug munisipalidad ang gipa-ubos sa state of calamity ug price freeze. Inisyal nga namahayag ang Department of Agriculture nga midamyos ang bagyo sa P127,794,490.59.
Samtang milanding na sa 250,543,014.18 ang damyos sa impraktrastura gikan sa walo ka apektadong rehiyon sa Pilipinas.
