CAGAYAN DE ORO CITY, Philippines – Patay ang 77 ka tawo sa kalit nga pagbusikad sa fuel tanker sa Dikko Junction sa estado sa Niger.
Segun sa Gurara local government, nadala pa sa balaytambalanan ang kapin dosena nga samaran apan, nabugtuan sa kinabuhi ang siyam kanila, tungod sa grabeng pagkasunog sa lawas, ug pagkadaut sa ilang internal organs.
Subay sa report, miduol ang mga biktima sa nagdilaab ug nabalintong tanker aron manguha’g lana, apan na-angol tungod sa kalit nga pagbuto sa tangke.
Tungod sa hitabo, nadesisyonan ni Niger State Governor Umaru Bago nga idili ang pagtipas sa mga dagkung oil tanker sa Dikko Bridge aron malikayan ang sama nga trahedya.
Kagabie, oras dinhi sa Pilipinas, gilubong dayon sa mass grave ang 86 ka tawo nga namatay sa insidente.
