CAGAYAN DE ORO CITY, Philippines – Misaka pa sa 93 ka mga settlements ang nailog sa ground troops sa Ukraine sulod sa Russia. Kini ang gi-anunsyo ni Ukraines President Volodymyr Zelenskyy.
Apan, gitin-aw ni Zelenskyy nga nag-atubang sa tumang kalisud ang ilang kasundaluan ilabe na dili niya gusto ang mass casualties o mubanaw ang dugo, ilabe nga walay labot ang mga sibilyan sa ilang pagpanimalos kang Russian Presidente Vladimir Putin.
Gani, gipamatud-an sa mga Russian Reporters nga kalmado ang mga residente sa Kursk ug syudad sa Pokrovsk sa pagbiya sa ilang mga puy-anan ug wala hilabti sa mga sundalo sa Ukraine.
Samtang mi-aginod na sa Sidkalang Russia ang elite forces sa Ukraine, padayong gipakita sa ilang sundalo ang mga video nga gipanangtangan nila sa mga Russian Flags ang mga government offices nga ilang nailog.
Gawas niini, tolo na ka tulay ang naguba sa tropa, busa nadugangan pa ang kalisud sa tropa ni Putin sa pagresponde sa giatake nga lokasyon.
Una niini, gilantaw ni International Atomic Energy Agency – IAEA Director General Rafael Grossi nga sobra ka delikado ang pagsulod nga gihimo sa mga sundalo ni Zelenskyy ilabe nga wala pa nila mahibaw-e ang laraw ni Putin ug kung unsa ka daku nga ihap sa mga sundalo ang ipadala sa duha ka lugar.
Dakung risgo alang sa mga sundalo ang gipili nga desisyon ni Zelenskyy.
